Vårprogram 2024

Titina var ein eigarlaus hund i Roma, men blei verdsberømt! Hunden var med Umberto Nobile og Roald Amundsen på ekspedisjonen deira til Nordpolen med luftskipet «Norge». Filmskaparane er lausleg inspirerte av det som hende på den turen.

Dette er absolutt ein familiefilm. Den beste sidan Flåklypa Grand Prix, har det blitt sagt. Filmen har blitt lovprisa for handverket. Han er morosam og dramatisk, men òg historisk interessant.

Kultfilm frå 1960-åra. Ei motorsykkelreise gjennom USA, frå Los Angeles til New Orleans. Jack Nicholson fekk sitt gjennombrot som skodespelar, sjølv om han berre hadde ei birolle. Musikken er viktig! «Born to Be Wild» har ein framståande plass i filmen.

Lise er ei mus. Ho har hamna i dyrehimmelen. Der vil ho prøve å finne faren sin. Lise møter Snøpels, ein sjenert rev. For å lukkast i den nye verda dei har hamna i, må dei samarbeide. Dei oppdagar at dei kan vere venner. Det blir sagt om filmen at han er både vakker, og uforgløymeleg.

Filmen er fylt med alvor. Det er ein rørande film. Gode skodespelarprestasjonar. Hélène og Mathieu bur i Bordeaux i Frankrike. Ho blir alvorleg sjuk og bestemmer seg for å dra til Noreg åleine for å finne fred.

Filminnspelinga har gått føre seg på Vestlandet. Musikken er komponert av Jon Balke. Skodespelaren Bjørn Floberg har ei viktig rolle.

Desse kortfilmane varer frå to til tolv minutt. Den kortaste handlar om «en sint jente med baller». Ein av dei lengste kjem med ei forklaring på «hvor det ble av alle trollene».

Vi møter ein ung lærar som er send for å ha praksis i ein avsidesliggjande dal i Bhutan. Her manglar ein det meste av det som er moderne. Folka som bur der får han etter kvart til å føle seg komfortabel.

Filmen har blitt kalla hjartevarm og oppløftande. Han blei nominert til Oscar i 2022. Landskapet ein får sjå i filmen kan vere god nok grunn til å få med seg denne filmopplevinga.

Dette er Disney. Det er hjartevarmt og tankevekkjande. Animasjonen held høg kvalitet. Filmpolitiet meiner filmen er ein «visuell fest». Vi møter musikklæraren Joe. Han drøymer om å bli profesjonell musikar. Då han får sjansen, døyr han, i alle fall nesten, og han kjem til verder som er tilhaldsstad for sjeler. Kritikarane var begeistra! Dei gav varme anbefalingar. Ein av dei skreiv: «Noe rotete, men hvem bryr seg?»

Familien Solé dyrkar fersken, og alle har støtt vore saman om innhaustinga. Men no vil den nye landeigaren plassere solcellepanel der ferskentrea står. Familien står i fare for å bli splitta.

Dette handlar om minne, barndom, tradisjonar, og om (lange) sommardagar. Men det handlar òg om primærnæringane sine vanskelege vilkår. Filmen vann Gullbjørnen i Berlin i 2022.